Cîgirê Hevserokatiya Meclisa Partiya Sûriya Paşrojê şaxê Minbic û gundewarê wê Mihemed Berkel, da zanîn ku dewleta Tirkan ya dagîrker dixwaze li herêmên herî ewle yên Sûriyê “herêmeke ewle” ava bike û hişyarî li ser parçekirina Sûriyê da.
Dewleta Tirkam ya dagîrker bi armanca guhertina demografîk û tirkkirina herêmê, gefa pêkanîna êrişeke din li ser nakur û rojhilatê Sûriyê dixwe.
Ev yek piştî hefteyekê ji ragihandina plana Erdogan a bicihkirina milyonek penaber li herêmên dagirkirî yên Sûriyê pêk hat.
Li ser vê yekê Cîgirê Hevserokatiya Meclisa Partiya Sûriya Paşrojê li Minbic û Gundewarê wê Mihemed Berkel got: “Ji dema damezrandina Rêveberiya Xweser ve, welatî li herêmên Bakur û Rojhilatê Sûriyê bi ewle û îstîqrar dijîn û tu binpêkirinên QSD’ê li dijî dewleta Tirk tune ne. Lê dewleta Tirk ji destpêkê ve ji civata navneteweyî dixwaze herêmeke ewle li van herêman ava bike.”
Mihemed Berkel pirsî û wiha domand: “Gelo herêmên Sûriyê yên dewleta Tirk ji Cerablus heta bi Idlibê dagir kirine, herêmên ewle ne? Na li wir tu ewlehî tune ye, her tim şer û nakokî hene. Ew îdîa dike ku parastina ewlehiya xwe dike, bi wê re Efrîn, Serêkaniyê û Girê Spî dagir kirin. Lê di rastiyê de hewl dide van herêman tev li Tirkiyê bike. Ew jî binpêkirina peyman û mîsaqên navneteweyî ne.”
Berkel diyar kir ku li Tirkiyê krîzên navxweyî û têkçûna lîreyê heye. AKP ji bo ku di hilbijartinên 2023’yan bi bin nekeve de, dixwaze krîzên hindirîn bi îdiaya parastina ewlehiya xwe derxe derve.
Der barê armancên dewleta Tirk de jî Berkel got: “AKP dixwaze aliyên hundir razî bike, ji ber muxalefet dixwaze penaberên Sûriyê vegerîne Sûriyê. Lê AKP 2 dixwaze 2 armancan bi carekê de pîk bîne, him ji penaberan xilas bibe him jî bi vê yekê pere ji welatên alîkariya penaberan dikin bi dest bixe.”
Mihemed Berkel destnîşan kir ku dewleta Tirk bi darê zorê dixwaze penaberan vegerîne û ev tişt anî ziman: “Eger rastî dewleta Tirk dixwaze penaberan vegerîne, divê daxwaza çareseriyeke aştiyane bike û bibe aliyekî xwedî niyetên baş. Her kesê dixwaze vegere welatê xwe, ne li Cerablus an jî Girê Spî yan jî herêmên din. Ev ne vegera penaberan e. Ev derxistina bi darê zorê ye û neçarkirina wan li herêmên dagirkirî ye ku armancên xwe pêk bîne , demografiya van herêman biguherîne.”
Mihemed Berkel bang li civata navneteweyî bi taybet Koalisyona Navneteweyî û Rûsyayê kir ku erkên xwe bi cih bînin û rê li ber dewleta Tirk bigirin.
Cîgirê Hevserokatiya Meclisa Partiya Sûriya Pêşerojê li Minbic û Gundewarên wê Mihemed Berkel di dawiyê de got: “Em avakirina avahiyên mêtîngeriyê li ser xaka xwe qebûl nakin, ew dixwazin weke Lîwaya Skenderon herêmên din ji Sûriyê dagir bikin. Divê gel bi hemû pêkhateyên xwe rastiya dewleta Tirk nas bike.”
ANHA
