Şêniyên taxa Şêxmeqsûd diyar kirin ku gelê Kurd û girtiyên siyasî wê li hemberî kiryarên dewleta tirkî ya dagîrker yên li girtîgehan, teslîm nebin û gotin, bi her awayî em li pişt malbatên girtiyan in.
Dewleta tirkî ya dagîrker bi serokatiya hikumeta AKP’ê, siyaseta xwe ya qirkirin û tinekirinê li dijî gelê Kurd û girtiyên siyasî yên Kurd didomîne.
Welatiya bi navê Aytan Reşo kiryarên dewleta tirkî şermezar kirin û got, dewleta tirkî çiqas kiryarên xwe li dijî girtiyên Kurd zêde bike, wê nikaribe îrade û berxwedana wan bişkîne û ew dev ji doza azadiya xwe bernadin.”
Aytan Reşo herwiha got, em amade ne li kêleka malbatên girtiyan têbikoşin, lewre zarokên wan ji bo me têdikoşin, emê ji bo bidawîkirina van kiryarên li ser wan, tê bikoşin.”
Welatiyê bi navê Ehmed Nebîko da xuyakirin ku dewleta tirkî ya dagirker li dijî gelê Kurd siyaseta qirkirin û tinekirinê dimeşîne û got, li kê be êrişî Kurdan dike û işkenceyê li wan dike. Di encama işkenceyê de bi dehan siyasetmedarên Kurd di girtîgehan de tên kuştin.”
Welatiyê bi navê Omer Omer jî got, dewleta tirkî her roj siyasetmedarên Kurd digire. Lewra daxwaziya mafên xwe dikin û her kesê ku dibêje ez Kurd im, dixe girtîgehê. Em tiştê ku li girtîgehan diqewimin qebûl nakin û emê ji sûcdaran hesab bixwazin.”
Omer da zanîn ku têkoşîna Kurdan ya ji bo pêkanîna armancên xwe dewam dike û bang li komeleyên mafên mirovan û saziyên pêwendîdar kir ku zextê li dewleta tirkî bikin, da ku dev ji sûcên li dijî Kurdan û girtiyên siyasî berde.
ANHA