Navenda Nûçeyan /Tebqa
Şêxê Êla El-Sexanî yê Ereb Fewaz El-Bêk got, bi dayîkbûna Rêber Ocalan, roja azadiya gelan derket. Ji ber wê banga me ji gelê Kurd, Ereb û Sûriyan re ew e ku têkoşînê ji bo azadiya Fîzîkî ya Rêbertiyê xurttir bikin.
Bi pêmana 4`ê Nîsanê roja jidayîkbûna Rêber Apo Şêxê êla El-Sexanî ya Ereb Fewaz El-Bêk ji rojnameya me re axivî.
`4`ê Nîsanê ji bo gelê Ereb jî jinûve jidayîkbûnek e`
Şêxê êla El-Sexanî rojbûna Rêbertiyê wek derketina roja azadiya gelên bindest bi nav kir û ev niraxandin kir: “Em wek eşîr, êl û gelê Ereb yên herêma Tebqa bi Rêberê xwe, rêberê demokrasî, azadî û ramana azad Rêber Apo serbilind in û girêdayî wî ne. Em vê rojê li tavayiya gelên bindest, nexasim Kurd û Ereb pîroz dikin. Em dizanin Rêbertiyê di nava êş û aloziyan de, jiyana azad ya birûmet û biratiya gelan, ji gelan re afirand. Rojbûna Rêber Apo ne jidayikbûna mirovekî ye, ji dayikbûna azadiya gelên bindest û derketina rojê ye. Zilm û mêtingeriyê ew roj xistibû binê siya xwe. Ji bo Rojhilata Navî jî demokrasî û bihareke nû ye.”
`Rêber Apo ji Kurd û Ereban re hêvî û hêz e`
Şêx Fewaz El-Bêk herwisa li ser hizir û felsefeya Rêber Apo û bandora wî ya li gelê Ereb kirî axivî û wiha got: “Bi fikir û felsefeya Rêber Apo dîrokeke nû ya gelan dest pê kir. Rêbertî û Neteweya Demokratîk, ji Kurd û Ereban re bûn hêviya xelasbûn, aştî, azadî, edalet û wekheviyê. Rêbertî ev 50 sal in, ji gelê Kurd, Ereb û gelên bindest re, bûye ronahî. Bi têkoşîna demokratîk ya Rêber Apo dayî destpêkirin, li çar aliyên cîhanê azadî, aştî, demokrasî û hêvî afirandine. Her çiqas ev 23 sal in di girtîgehê de ye jî, ciyê xwe di dilê me de çêkiriye. Herwisa em hêz û vîna xwe ji têkoşîna wî digirin. Îro ji her rojê pirtir projeya Biratiya Gelan ya Rêber Apo bi ser dikeve. Ji bo bidestxistina azadî, demokrasî, rizgariya ji koletiya kapitalist, fikirê Rêbertî û Biratiya Gelan e çareya yekane ye.”
`Gelê Kurd, Ereb û Sûryan Têkoşînê ji bo azadiya Fîzîkî ya Rêbertiyê Xurtrir bikin`
Şêx êla EL-Sexanî li ser tecrîda girankirî ya li ser Rêbertiyê axivî û bi helwesta şêx û rûsipiyên eşîrên ereb yên Tebqa axafina xwe wiha qedand: “Armaca wan bi tecrîdê hewldana jiholêrakirina çiraya azadiyê ye ya ku Rêbertiyê li hemberî zilm û mêtingeriya desthilatan pê xistiye. Lê bênavber berxwedana Rêber Apo li Îmralî ji bo gelê Kurd, Ereb û gelên din didome. Ji ber wê azadkirina Rêberê Gelan ji zincîran azadiya gelan e. Herwiha weke ku Rêbertiyê zincîrên ku desthilatan li dora gelan girê dabûn, şkandin. Wê berxwedana gelê Ereb, Kurd û gelên din yên azadîxwez dîwarê Îmralî biroxîne. Ji ber wê divê gelê Ereb, Kurd û Sûryan li bakur û rojhilatê Sûriyê Têkoşîna xwe xurttir bikin da ku azadiya fîzîkî ya Rêber Apo bi dest bixin.”