Navenda Nûçeyan-Qamişlo
Îro saet 10:30`an, Yekîtiya Mamosteyan ya Kantona Qamişlo 81 mamosteyên ku ji zanîngeha Rojava derçûne li hola Selam ya bajarê Qamişlo xelatkirin.
Yekîtiya Mamosteyan ya Kantona Qamişlo 81 mamosteyên ku ji sala 2012`an ve dersên zimanên kurdî li dibistanan didan, piştre du salan li Zanîngeha Rojava xwendine û derçûne, xelat kirin.
Di şahiyê de endam û rêveberên Yekitiya Mamosteyan ya bakur û rojhilatê Sûriyê, mamoste û nûnerên dibistanan amedebûn. Şahiya xelatkirinê bi deqeyeke rêzgrtinê li ser giyanê pekrewana dest pê kir. Piştre şêwirmendê Yekîtiya Mamosteyan ya bakur û rojhilatê Sûriyê Sînan Cûdî mamoste pîroz kirin û rola wan li hemberî hewldanên qirkirina çand û zimanê kurdî de destnîşan kir.
Herwiha bi navê mamosteyên ku ji zanîngehê derçûne, mamoste Mihemed Hesen axivî û spasiya Yekitiya Mamosteyan, Komîteya Perwerdeyê kir û got: “We rê li pêşiya me vekir da ku em xwendina xwe li Zanîngeha Rojava temam bikin.”
Mamoste Mihmed Hesen axaftina xwe bi helbestekê qedand.
Paşê 81 mamosteyên ku ji zanîngehê derçûne ji aliyê Hevserokatiya Yekîtiya Mamosteyan ya bakûr û rojhilatê Sûriyê Nisrîn Reşik, Casim Ebdulah û Hevserokatiya Yekîtiya Mamosteyan ya kantona Qamişlo Hêvîn Hebo, Diyar Remo hatin xelatkirin.
Şahî bi gerandina xelekên govendê bi dawî bû.
.
Paş 1 ji 17 Pêş
