Navenda Nûçeyan-Qamişlo
Nivîskar û helbestvanê kurd Mihemed Seyid Husên di çil rojiya xwede ji aliyê malbata xwe ve bi çalakiyekê li Hola Zana hate bîranîn û di çalakiyê de pirtûka wî ya bi navê” Gelewêja ronî dayî “hat imzekirin.
Merasîm bi deqeyeke rêzgirtinê dest pê kir, piştr birayê helbestvan û nivîskar Mihemed Seyid Husên D.Ebdelrehman Seyid Husên û kurê nivîskar yê mezin Reşîd Seyid Husên axivîn û diyar kirin ku helbestvan û nivîskarê geşebîr, pênûsiyar Mihemed Seyid Husên berhemekî jîndar bû. Helbestvanê me hestê xwe bi şêwazekî hûrbînî û ji kûrahiya kelempora kurdî bi melvanî dihûnand.
Herwiha hevriyê helbestvan û nivîskar Mihemed, helbestvan Qadir Egîd jî çend helbest gotin. Pişre sinviziyonek li ser jiyana nivîskar û helbestvan Mihemed Seyid Husên hat pêşkêş kirin.
Herwiha ji aliyê nivîskar Bêwar Ibrahîm ve pênaseya naveroka pirtoka nivîskar Ibrahîm Muhemed ya ku li ser helbestvan û nivîskar Mihemed Seyid Husên ya bi navê “Gelawêja ronî dayî” hate kirin. Piştre ji aliyê nivîska Samî Namî ve gotarek hat xwendin.
Di dawiyê de ji aliyê kurê nivîskar û helbestvan Reşîd Seyid Husên ve pirtok hate imzekirin.
