Li Helebce bi pêmana salvegera kîmyabarana li Helebc ya 34’an, pêşangeheke wêneyên pêkhateyên bajêr hat vekirin.
Li Helebce bi pêmana salvegere kîmyabarandina li Helebceyê ya 34’an, pêşangeheke wêneyên pêkhateyên bajêr hate vekirin. Di pêşangehê de 2 hezar wêne hatin nîşandan.
Di ser kîmyabarana Helebce re 34 sal derbas bûn. Bi vê boneyê li bajarê Helebceyê yekem navenda Pêşangeha Helebce bi navê Pêşangeha Celal Azebanî ku yek ji şehîdên kîmyabarana Helebce ye, hate vekirin. Di pêşangehê de 2 hezar wêneyên kesayetên navdar ên pêkhateyên li herêmê hatin nîşandan. Gelek hemwelatî diçin pêşangeha Helebce da ku wêneyên kes û karên xwe bibînin.
Çalakvana jin a ji Helebceyê, Hemîde Cemal derbarê pêşangehê de got, “Vekirina pêşangeheke bi vî rengî dîrokê nîşanî her kesî dide ka berê çi qewimiye. Niha her kes bi saya van wêneyan dibe şahidê wê demê. Ez ê her piştgiriyê bidim Helebce da ku ev xebat bidomin.”
Yek ji jinên ciwan ên Helebceyî, Gulan Elî jî got, “Pêşangehên wisa giringî û nirxê Helebceyê diyar dikin. Ji ber ku gelê Helebceyê gelek kefxweş dibe bi nîşandana dîrok û asta rewşenbirî ya Helebceyê di rabihuriyê de. Divê em piştgirê wan kesên bin yên ku dixwazin êşa Helebceyê nîşan bidin. Ji bo dîroka Helebceyê hîn bêhtir were naskirin.”
Xwediyê galeriya Helebce, Aram Şamêranî jî derbarê pêşangehê de got, “Fikra vekirina vê pêşangehê ev çend sal in heye. Ji ber wê, me biryar da ku bi budceya taybet a galeriya Helebce vê pêşangehê vekin. Di pêşangehê de 2 hezar wêne hene.”
JINHA/HELEBCE
