Piştgiriya Almanya ji bo dagîrkeriya dewleta tirkî

Navenda Nûçeyan/Qamişlo

Ji bo ku balê bikişînin ser êrîşên dagirkeriyê yên dewleta tirkî 12 Hezîranê heyeteke aştiyê xwest ji Dusseldorfê biçe Hewlêrê. Polîsên Almanya ji 17 endamên heyetê re got, wê çûna we bandoreke neyînî li têkiliyên me yên bi Tirkiyê re bike.

Dewleta Almanya, li hemberî siyaseta dewleta tirkî ya dagîrker ku li dijî başûrê Kurdistanê dike, ne tenê bêdeng dimîne, bi awayekî fermî pişgiriyê didiyê. Ev bi astengkirina 27 çalakkerên aştiyê yên Alman, ku xwestin bi balafirê ji Dusseldorfê biçin Hewlêrê diyar bû.

Heyeta hevseroka Koma Partiya Çepgir ya Meclisa Eyaleta Hambûrgê Cansû Ozdemir jî di nav de, hatin destgîrkirin. Endamên heyetê xwestin ji bo piştgiriya gelê Kurd, biçin başûrê Kurdistanê û hevdîtinê bi partiyên siyasî û saziyên sivîl yên civakî re bikin. Lê bê nîşandana sedemeke hiqûqî, polîsên Federal piştî lêpirsîna endamên heyetê, ji 27 kesan çûnna 17 kesan qedexe kir.

ITÎRAFA “DIBE KU TÊKILIYÊN ME YÊN BI TIRKIYÊ RE XERAB BIBIN”     

Li dijî çalakkerên aştiyê, bilez biryarek hat dayîn û polîsên Alman diyar kirin ku berê agahî standine ku wê heyeteke wisa biçe başûrê Kurdistanê.

Polîsên Almanya yê itîraf kirin ku, eger destûrê bidin heyeta aşitiyê, wê di navbera Almanya û hikumeta Tirkî de alozî çêbe.

Civaka Azad ku çûna heyetê organîze dikir, ev biryara polîsan bi dijwarî şermezar kir. Civaka Azad ji bo astengkirina heyetê got, ev tê wateya binpêkirina azadiya gerê û Almanya bi biryareke wiha piştgiriyê dide siyaseta dagîrkeriyê ya dewleta tirkî.

Parlementerê Partiya Çepgir Hakan Taş hê jî li Balafirgeha Hewlêrê di lêpirsînê de ye.