Şêx û rûspiyên eşîrên Tebqay kiryarên talankirinê yên li dijî Rêveberiya Sivîl ya Minbicê ku hedefa wan wêrankirin û derxistina fitneyê bû şermezar kirin û diyar kirin ku piştgiriya QSD’ê û Rêveberiya Xweser dikin heta ku dagîrkeran ji xaka xwe derdixin.
Şêx û rûspiyên eşîrên Tebqa derheqê bûyerên dawî yên li Minbic û gundewarê wê de daxuyaniyek dan. Şêxê eşîra El-Sixne Fewaz El-Bêk daxuyanî xwend.
Di daxuyaniyê de wiha hat gotin:
“Êrişên çekdarî û talankirina li Minbicê yên li dijî saziyên leşkerî û sivîl û kişandina çekê li hember Hêzên Ewlekariya Hundir û hêzên leşkerî bi armanca derxistina fitneyê li herêmê ne.
Bi behaneya erkê xweparastinê zererê didin ewleyî û aramiya Minbicê. Herwiha hin alî û meclisên pêwendîdar hene li ser guhartina qanûnan dixebitin. Lê ev kiryarên wêrankirinê ku pêk hatine girêdayî ajandeyên derve ne. Em li bakur û rojhilatê Sûriyê li gorî van exlaq û kiryaran tev nagerin.
Em şêx û rûspiyên eşîran van kiryarên wêrankirinê yên li dijî Rêveberiya Sivîl ya Minbicê şermezar dikin û bi ti daxuyaniyên li ser wêrankirin, derxistina fîtne û tevliheviyên etnîkî li herêmê qebûl nakin.
Em şêxên eşîran piştgiriya QSD’ê û Rêveberiya Xweser dikin û wê şerê dagîrkeran heta derxistina wan ji xaka me, bikin.”
ANHA
