Navenda Nûçan/Qamişlo
Nivîskar û lêkolînerê dîrok, Erdîngarî û wêjeya kurdî Prof. Dr Kadrî Yildirim, bi sedema xwînçûna ser mejî, li bajarê Amedê koça dawî kir.
Akadamîsyen û Profsor Kadrî Yildirim(62) di 24ê Adarê de, ji ber xwînçûna ser mejî, ji bo nexweşxaneyê li bajarê Amedê hat guhastin. Lê di dîroka 26ê Adarê de koça dawî kir û li goristana Yenîkoy ê ya bajarê Amed’ê bi maresimekê ku bi bejdarbûna gel û endamên HDPê, hat veşartin.
PRFESORê KURD QEDRÎ YILDIRIM KÎ YE?
Prf. Qedrî Yildirim di 5ê sibata sala 1959an li navçeya Lîce ya girêdayî bajarê Amed’ê ji dayîkbû ye. Li zanîngeha Heranê ya Rihayê beşa Îlahiyatê qedandi ye. Li zanîngeha Diclê ya Amedê jî li heman beşê xebata xwe weke mamoste kiriye. Di sala 2010an de jî bawernameya prfesoryê wergirt û xwediyê dehan pirtûk û berhemên nivîskî ye.
XEBATEK DIRÊJ Û GIRANBIHA
Qedrî Yildirim, bi lêkolînên xwe yê di warê zimanên zindî de weke, kurdî, farsî û
Erebî navdar bû û yek ji damêzerên beşa zimanê Kurdî li zanîngeha Artuglo ya bajarê Mêrdênê bû. ji bin destê wî de, bi dehan xwendekarên kurd bûn derçûyê lîsans di zimanê kurdî de. Kadrî Yildirim zimanê kurdî, erebî, farsî, ingilîzî de xwedî zanistek zor bû.
Derbarê ziman, dîrok , erdîngarî û wêjeya kurdî, gelek lêkolîn hebûn û 14 pirtûk
nivîsandibûn. Di sala 2011an de pirtûka Mem û Zîn, Nûbihar yên Ehmedê Xanê wergerandibûn zimanê tirkî. Herwiha di sala 2018an de jî pirtûka bi navê “Bi Her Alî Rojava” nivîsandinbû û ji aliyê weşanxaneya Avêsta hatbû çapkirin.
Di hilbjartinên 2015an de jî di lîsta HDPê ya bajarê Sêrtê de ji bo parlamanteryê hat hilbijartin û xebata xwe ya siyasî heye roja me ya îro bi kedekê mezin meşandin.
