Navenda Nûçan/Qamişlo
Plan û gefên dagîrkirina Şingalê rojana zêde dibin. Ev yek nerazîbûn û hêrsa civaka Êzîdî derxistin asata herî jor. Fermandarê YPŞê Dijwar Feqîr diyar kir ku çi dibe bila bibe ew ji Şingalê dernakevin û serî ji wan re danaynin.
“PLANA VALAKIRINA ŞINGALÊ JI ÊZÎDIYAN, KETIYE DEWRÊ”
Derbarê gefên Îraqê û planên dewleta tirkî ya dagîrker de, Fermandarê YPŞê Dijwar Feqîr wiha nirxand: “Weke tê zanîn plan û êrişên li ser Şingalê ne nû ne. Ji 2014 ve didomin, niha tenê rengê êrişan hatiye guhertin. Plana valakirina Şingalê ji Êzîdiyan, ketiye dewrê. Çimkî mana Êzîdiyan li ser vê xakê nakeve xizmeta berjewendiyên wan. Gefên dewleta tirkî ya dagîrker û astengkirina vegera gel, şerekî taybete li ser Şingalê didin meşan din. Li ser vê xaka pîroz me gelek gavên erênî avêtine. Him Rêveberiya Xewser, hem jî hêzên me yên leşkerî. Em nebûne asteng li pêşiya Îraqê, ku xebatê xwe li vir bi rê ve bibe. Berovajî wê me destek da wan û me li vir her kes bi rêxistin kir. Peymana ku hatiye îmzekirin, li dijî vîn û xebatên me ye. Niha li seranserê Şingalê artêşa wan belav bû ye. Herwiha hêzên me jî li vir hene.”
“DEM DEMA BERXWEDANÊ YE”
Dijwar Feqîr axaftina xwe wiha domand: “Peymana ku bi serkêşiya PDK, dewleta tirkî ya dagîrker dayiye kirin, li dijî vîn û hebûna civaka me ye. Niha li Şingalê her ku diçe, rewş aloz dibe. Ji ber her der dorpêç kirine. Bi van kiryaran dixwazin erkê xweparastinê ji destê me bigirin. Ev xetereke mezin li ser gelê me ye. Çimkî ji bo parastina civaka me ti gerantî ne dane û ji bo Êzîdiyan ev rûmetşkandinke mezin e. Me bi hezran şehîd dan, ferzikirina vê yekê tê wateya binpêkirina keda bi salan.”
Dijwar bi bîranî ku ji ber bê parastin û komkujiyan hêza xwe ya parastinê ava kirin e û wiha pêda çû; “Ev zoriyên ku bi pêşengîya Tirkiyî, Îraq û PDKê li ser me dike, wê bibin sedema pirsgirêkên mezin. Dixwazin komkujiyekê din bi serê me de bînin. Lê bila baş bizanin ku em serî ji wan re danaynin. Çi dibe bela bibe emê li ber xwe bidin. Çimkî me soz daye civaka xwe, emê heta dawiyê xaka xwe biparêzin. Hêzên ku Şingal rûbirû komkujiyê hiştin û reviyan carekedin venagerin ser xaka me.”
Fermandarê YPŞ Dijwar Feqîr axaftina xwe wiha bi dawî kir: “Civîna ku me li der xist li ser van bingehan bû. Me ji gelê xwe re rewş ragihan û li ser esasê wê jî gel berteka xwe raber kir. Yên ku ji van planan sûd bigirin, dewleta tirkî ya dagîrker û DAIŞe. Ev plan wê feleketek mezin bi ser şingal, gelê Rojhilata navî û cîhanê tevan de bîne. Ev xak ya me teva ne, ji bo wê banga min ji keç û xortên me re heye ku li keda şehîdên xwe xwedî derkevin û tevlî nava refên YPŞ û YJŞê bibin. Dem dema berxwedanê ye.”
