Jiyan BOZO/Qamişlo
Bi pêmana “Roja Cilên Kurdî” îro saet 10an, li Baxçeyê Zarokan Xunav yê bajarê Qamişlo, bi tevlîbûna mamoste û malbatên zarokan şahiyek hat lidarxistin. Şahiyê bi sirûda Ey Reqib dest pê kir. Di şahiyê de zarokên Kurd û Ereb bi cil û bergên xwe yên gelêrî şahî xamilandin.
Derbarê şahiyê de berdevka baxçeyên zarokan yên bajarê Qamişlo Nisrîn Murad wiha axivî: “Îro 10 Adarê roja cil û bergên kurdî ye. Bi vê pêmanê mamaoste û zarokên me cilên xwe yên gelêrî li xwe kirine. Ji bo parastina çanda xwe me jî xwest bi zarokên xwe re vê rojê pîroz bikin. Herwiha em dixwazin di demên pêş de zarokên me û mamoste bi cilên xwe yên gelêrî biçin dibistan û baxçeyan. Meha Adarê di dîroka me Kurdan de pir pîroz e. Ji ber wê em ji niha ve amedakariya pîrozbayiya Newrozê dikin. Em li baxçeyan şahiyan ji zarokan re li dar dixin. Ev şahiyên me wê hata roja Newrozê bidomin.”
Şahiya zarokan bi gerandina govendê bi dawî bû.
