Komîteya Perwerdeyê ya KCK’ê daxuyaniyek bi pêmana 21’ê Sibatê Roja Zimanê Dayîkê ya Cîhanê da û banga xwedîderktina li zimanê xwe li gelê Kurd kir.
Komîteya Perwerdeyê ya KCK’ê 21’ê Sibatê Roja Zimanê Dayîkê ya Cîhanê di serî de li şehîdên azadiyê û rêber Abdullah Ocalan pîroz kir û da xuyakirin ku ziman ji bo gelan amûra herî girîng ya jiyandina nasname û çanda xwe ye.
Komîteya Perwerdeyê diyar kir ku li gorî daneyên UNESCO ji sedî 40’ê serjimara cîhanê ji perwerdeya bi zimanê dayîkê bêpar in, 2 hezar û 474 ziman bi metirsiya tinebûnê re rûbirû ne û ji sala 1950’yî ve 230 ziman ji navê rabûne.
Di dewama daxuyaniyê de wiha hat gotin: “Modela perwerdeya Rojava, bakur û rojhilatê Sûriyê ji bo gelên ku li herêm û cîhanê têkoşîna hebûn, nasmane û ziman dikin, mînaka herî bêhempa ya heza cewherî û vîna cewherî ye. Nîşana herî bihêz ya esasgirtina wekhevî, azadî, mafê zarokan, demokrasî û mafê mirovane û li hember jiyana li ser me hatî ferzkirin isbata pêkanbûna jiyaneke din, jiyaneke pirzimanî û pirçandî ye.
