Rêveberiya deriyê sînor yê Sêmalka ragihand ku ji roja Duşemê ve derî careke din vebûye.
Rêveberiya deriyê Sêmalka têkildarî mijarê li ser maplera xwe ya Facebookê ragihand ku ji roja Duşemê ve (8’ê Sibata 2021’ê) derî careke din dest bi karê xwe kiriye, da ku rêwî derbas bibin.
Rêveberiyê diyar kir ku roja Şemî-Duşem-Çarşemê ji bo derbasbûna rêwiyan hatine diyarkirin.
Rêveberiya deriyê Sêmalka 3’yê Sibatê giştînameyek weşand, tê de girtina deriyê sînor ji hêla başûrê Kurdistanê ve hat ragihandin. Berpirsê Têkiliyan yê deriyê Sêmalka Baz Ehmed ji ajansa nûçeyan ANHA’ê re got, rêveberiya deriyê Pêşxabûr ji ber sedemên rêxistinî û rûtînî çend rojan deriyê sînor girt.
