Artêşa tirkî ya dagîrker û çeteyên wê 6 sîvîl ji kantona Efrînê ya dagîrkirî revandin û heta niha çarenûsa wan nayê zanîn.
Li gorî agahiyên çavkaniyên herêmî ragihandîn, çeteyên dewleta tirkî ya dagîrker roja Înê welatiyê bi navê Rohat (37) dema ku ji bo kirîna pêdiviyên werşeya dirûnê ji bajarê Efrînê diçû Ezazê, revandin.
Çavkaniyê diyar kir ku kesê hatî revandin karê dirûnê dike û ji gundê Erendê yê girêdayî navçeya Şiyê ya Efrîna dagîrkirî ye.
Hinek çavkaniyên din diyar kirin ku çeteyên bi navê “Lîwaya Semerqend” yên girêdayî artêşa tirkî ya dagîrker, 4’ê vê mehê 5 ciwan ji gundê Kefersefrê yê navçeya Cindirêsê revandin.
Çavkaniyan da zanîn ku navên kesên hatîn revandin wiha ne; Ehmed Hesen Mamed, Hesen Hesen Has, Murad Seydo Xilo, Ebdo Mihemed Ebdo Mecîd û Mihemed Xelîl Murad.
Heta niha çarenûsa 6 kesên hatîn revandin û cihê birînê, ne diyar e.
