Artêşa tirkî ya dagîrker li Til Rifetê komkujiyeke din kir. Navên kesên di êrişa artêşa tirkî ya dagîrker ya ser navçeyê de şehîd û birîndar bûyîn, eşkere bûn.
Artêşa tirkî ya dagîrker û çeteyên wê roja Şemiyê êrişî navçeya Til Rifet ya kantona Şehba kirin.
Ajansa nûçeyan ANHA navên 3 sîvîlên di topbaranê de şehîd bûyîn, bi dest xistin. Navên wan wiha ne; Nazliye Mihemed Mistefa û her du zarokên bi navên Macid Yasir Sekran (5) û Ebdulmihsên Sekran (12).
Li gorî agahiyan, Nazliye ji koçberên Efrînê ye û tevî malbata xwe piştî dagîrkirna Efrînê ji hêla dewleta tirkî ya dagîrker ve, berê xwe daye kantona Şehba.
Navên birîndaran jî wiha ne: Mihemed Sekran, Elye Heyder Hebeş, Xalid Mihemed El-Elye, Sadiq Mihemed Hebeş û Mihemed Reşîd.
2`yê Çileya 2019`an de jî artêşa tirkî ya dagîrker û çeteyên wê navçeya Til Rifet topbaran kiribûn. Di encamê de 10 sîvîl şehîd bûbûn ku piraniya wan zarok bûn û 12 kes jî birîndar bûbûn.