Ronaz Silêman/Qamişlo
3’emîn Festîvala Biharê ya Xwendekaran li Zanîngeha Rojava ya bajarê Qamişlo ku wê 2 rojan dewam bike, hate lidarxistin.
Bi armnaca kêfxweşkirina xwendekarên Zanîngeha Rojava, Zanîngeha Şerq û Zanîngeha Kobanê bi amadebûna, xwendekarên zanîngehê, rêveberî û mamosteyên zanîngehê, 3’emîn Festîvala Biharê ji aliyê Zanîngeha Rojava ve li navenda wê ya li bajarê Qamişlo di 23’ê Nîsanê de hate destpêkirin û wê 2 rojan dewam bike. Di festîvalê de ji bo xwendekaran çalakiyên cûrbicûr tên lidarxistin.
Li ser navê rêveberiya zanîngehê Evîn Ehmed û li ser navê Meclisa Xwendekaran Rojîn Yûsiv axivîn û wiha gotin: “Armanca sereke ji Festîvala Biharê ya Xwendekaran ew e ku çand û bîranînek xweş di nava xwendekarên Zanîngehê de bimîne. Herwiha ji bilî ku bibe çandek di nava xwendekaran de, di heman demê de xwendekar ji rewşa xwendinê derkevin û rewşa tiştên xweş bi çalakiyên cûrbicûr yên festîvalê jiyan bikin.”
Bernameyê Festîvalê ya Roja yekemîn jî wiha bû:
– Ji aliyê 7 giropan ve ku yek ji wan a Mamosteyên Zanîngehê ye xwarinên gelerî û herêmî hatin çêkirin.
-Pêşbirka helbestan, pirsan û stranan di navbera xwendekarên Zanîngehê de pêk hat.
– Koma ku ji Kobanê hatibû vexwendin çend stran gotin, bi gotina stranan re xwendekarên zanîngehê bi çoşeke mezin govend gerandin.
– Koma Kobanê ya govendê hate pêşkêşkirin.
– Hunermendên ku hatibû vexwendin ji bo festîvalê dê bistirê.
-Komîteya nirxandina xwarinê, xwarina herî xweş hilbijêre.
Bernameyê Festîvalê ya Roja Duyemîn wiha ye:
–Pêşbirên pêşbirka nîgarkêşiyê bê kirin.
-Koma ku ji Kobanê hatiye vexwendin govendê bigerînin.
-Pêşbirka werzîşê bê kirin.
-Stran ji aliyê hunermendên ku hatine vexwendin ji bo festîvalê bên gotin.
-Navê xwendekarên serkeftî di pêşbirkan de tê ragihandin û xelat têne belavkirin.
Hêjayî bîranînê ye ku Zanîngeha Rojava di 3’ê Gulana 2023’an de ji bo xwendekaran yekemîn Festîvala Biharê ku 3`ê rojan dewam kiribû li dar xistibû. Herwiha 2’emîn Festîvala Biharê jî di 18’ê Gulana 2024’an de hatibû lidarixstin.
