Hêvî Keleş/ Qamişlo
Rêveberiya Meclisa Jin a Malbata Şehîdan li Bakur û Rojhilatê Sûriyê Cewahir Osman anî ziman ku dewleta Tirk a dagirker bi armanca têkbirina vîn gelê kurd di 2017’an de êrişeke hovane li Qereçoxê pêk anî û wiha got: “Bi vîna gelê kurd planên dagirkleriya Tirk têk diçin.”
Di sala 2017’an, di şeva 24′ Nîsanê de çiyayê Qereçoxê bû hedefa hêzên dagirker. Dewleta Tirk a dagirker hewil da ku bi van êrêşên hovan e vîna gel têk bibe û destkeftiyan ji holê rake. Lê li hemberî wê jî gel bi vîneke mezin li ber xwe da û meşa têkoşîna azadiyê domand. Bêguman bi vê êrişê re hem rûyê hêzên ku piştgiriya DAIŞ’ê dikin derkete holê.
Derbarê 8’mîn salvegera komkujiya Qereçoxê de Rêvebera Meclisa Jin a Malbatên Şehîdan li Bakur û Rojhilatê Sûriyê Cewahir Osman ji Rojnameya me re axivî.
Êrişa li ser Qereçox êrişek hovane bû
Rêvebera Meclisa Jin a Malbata Şehîdan li Bakur û Rojhilatê Sûriyê Cewahir Osman anî ziman ku êrişa dewleta
dagirker a li ser Qereçox êrişekE hovane bû û wiha got: “Dewleta Tirk a dagirker bi firokên şer êrişî Qereçox kir û di encamê de gelek têkoşer şehîd bûn. Armanca dewleta Tirk ew e ku metersiyekê bixe dilê gel de, herwiha êrişî pirojeya me dike, pirojeya Rêveberiya Xweser û pirojeya ku jin pêşengtiya wê dikin. Ew hewil didin îradeya gel têk bibin û herêmê tevî dagir bikin. Ev hewildanên wan bi giştî vala dedikevin ji be ev hewildanên wan bû sedema ku gel bêhtir xwe bi israr bike û bi yekrêzî û yek helwest li beramberî van êrişan derkevin û hêza xwe li beramberî êrişên dewleta Tirk xutir bikin.”
dewleta Tirk bi îradeya gel vala dedikevin
Cewahir Osman axaftina xwwe wiha qedand: “Piştî destpêkirina şoreşa Rojava dewleta Tirk gelek komkujî li ser herêmên kurdan pêk anîn. Armanca wê têkbirina şoreşa Rojava ye, herwiha têkbirina îradeya gel e. Ji bo salvegera komkujiya Qereçoxê em sersaxiyê ji malbatên şehîdan re dixwazin, ev bîranîn ji me re hem êşe û hem jî em bêhtir têkoşînê berdewam dikin. Em weke dayik û malbatên şehîdan dîsa bi israrin û dîsa soza xwe bi şehîdên xwe re nû dikin ku em ê li pey şopa wan bin heta dawiyê û em ê ji bo nirxên wan heta dawiyê em ê biparêzin, herwiha şer û têkoşînê bikin.”
