Di kemîneke çeteyên DAIŞ`ê ya li bakurê paytexta Iraqê de, herî kêm 11 endamên Heşdî Şebî hatin kuştin û deh jî birîndar bûn.
Êvara Yekşemê çeteyên DAIŞ`ê li rojhilatê bajarê Tikrît yê girêdayî Selahaddîn, êrişeke çekdarî li dijî baregehên Heşdî Şebî ya Iraqê pêk anîn. Ev êriş piştî du teqînên xwekujiyê yên li navenda Bexdayê pêk hat.
Têkildarî mijarê, ji efserên Tugaya 22’yan ya Heşdî Şebî, Ebû Elî El-Malikî ji AFP’ê re got; çeteyên DAIŞ`ê êrişî Tugeya 22’yan ya li rojhilatê Tikrîtê kirine ku 150 km li bakurê paytext Bexda ye.”
Çavkaniyên din yên Heşdî Şebî ragihandin ku 11 endamên wan hatine kuştin û deh kes jî birîndar bûne.
Di dawiya sala 2017`an de hêzên Iraqê çeteyên DAIŞ`ê têk biribûn lê şaneyên DAIŞ`ê hê jî li herêmên dûrî bajaran çalakiyên xwe didomînin.
11 endamên Heşdî Şebî di kemîneke DAIŞ`ê de hatin kuştin
