Ciwanên Partiya Sûriya Paşrojê ji bo şermezarkirina êrişên dewleta tirkî yên ser Eyn Îsa xwepêşandanek orgenîz kirin. Ciwanan soz da ku piştgiriya QSD’ê bikin.
Bi sedan şêniyên navçeya Sirînê li pêşiya ketina navçeyê ya bakur tevlî meşa ciwanên Partiya Sûriya Paşrojê bûn ku bi koordîneya bi ciwanên şoreşger yên herêma Firatê re orgenîz kiribûn.
Xwepêşandêr ber bi navenda navçeyê ve ketin ser rê û pankartên “ Na ji dagîrkeriya tirkî re”, “Emê bi ruhê şehîdan bi ser bkevin” vekirin.
Meş li pêşiya Şaredariya Gel veguherî mitîngê. Serokê Nivîsgeha Ciwanên Partiya Sûriya Paşrojê ya herêma Firat Lawîn Derwîş daxuyanî xwend û êrişên domdar yên ser navçeya Eyn Îsayê di nava bêdengiya navneteweyî de, şermezar kirin.
Lawîn Derwêş diyar kir ku berxwedana hêzên niha di eniyên şer de silav dikin û got; ev ne cara yekê ye ku êrişî Eyn Îsayê dikin. Lê bi saya şervanên QSD`ê û gelê me, planên wan bi ser ketin.”
Mitîng bi sloganên şermezarkirina êrişên dewleta tirkî yên ser Eyn Îsa bidawî bû.
Ciwanên Partiya Sûriya Paşrojê piştgiriya xwe ji bo QSD`ê anîn ziman
