Dezgehên çapemeniyê yên erebî eşkere kirin ku Qeter plan dike ku çete, perwerdekar û pisporan li hemberî pereyên zêde ji bo pêkanîna xwestekên dewleta tirkî, bişîne Yemenê.
Li gorî ajansa El-Eyn ku agahiyên xwe spartine çavkaniyên leşkerî, Qeter hewl dide ku çete, perwerdekar û pisoran li hemberî miqdarên mezin yên pereyan ji bo pêkanîna ajandeyên dewleta tirkî, bişîne Yemenê.
Ajansê ragihand ku Qeterê bi piştgiriya Ixwanan û dewleta tirkî, bajarê Teîz veguherandiye navendeke perwerdeyên leşkerî ji bo ciwan û leşkeran ku piştî perwerdeyê çeteyan tevlî “artêşê” û “hêzên ewlekariyê” dike.
El-Eyn eşkere kir ku komployeke sêalî ya Qeter, Ixwan û dewleta tirkî heye ku Dewha wê bi rê ve dibe û hewl dide hêzên alîgir li Yemenê û bi taybetî li bajarokê El-Heceriyê yê girêdayî Teîzê, ava bike.
Li gorî çavkaniyan, plana sêalî dixwaze bi koordîneya di navbera fermandariyên Ixwanê, yemenî û sûrî yên li Tirkiyê û fermandariyên din yên ji tevgera Hemasê dike da ku wan çekdar û perwerdekaran di nîvgirava Somaliyê re bi qaçaxî derbasî Teîzê bikin. Herwiha yên ku Dewha nikaribe wan derbas bike jî wê bi navê “xwendekar”an “akademîsyen” bi hêsankirina koma Ixwanan ya li Yemenê, derbas bibin.
Dewleta tirkî, Qeter û Ixwan Muslimîn plan dikin ku çeteyan bişînin Yemenê’
