2 çeteyên DAIŞ`ê yên hatîn girtin diyar kirin ku ji wan hat xwestin ku li bajarê Reqa û Tebqa teqînan bikin.
Di demên dawî de gelek şaneyên veşartî yên DAIŞ`ê bi operasyonên taybet yên Hêzên Antî-Teror hatin girtin.
Yek ji çeteyên hatîn girtin Ehmed Elî Hemû ye. Hemû sala 1992`yan li bajarê Tebqa ji dayîk bûye. Zilamekî bi navê Ubeyde ku ji bajarê Idlibê ye bi telefonê bi Hemû re diaxive û jê dixwaze ku bi wan re kar bike û wê li hemberî wî karî pereyan bistîne.
Pişt re Ehmed Hemû diçe gel Ubeyde da ku çekekê bigire û li bajarê Reqa teqînan bike.
Çeteyê DAIŞ`ê Ehmed Hemû dibêje, “piştî ku min çek girt, meha rojiyê ya 2020`an min xwest alîkarekî min yê vî karî hebe. Ubeyde ji min re motorsiklêtek anî û got karê xwe bidomîne heta em komekê amade bikin.”
Pişt re ji Hemû tê xwestin ku mayînekê biteqîne û dîmenê wê ji wan re rêke. Hemû li ser wê wiha dibêje: “Min mayîn li ser riya Mehmûdlî çand, dema erebeyeke QSD`ê hat min ji dûr ve teqand. Du kes di erebeyê de hebûn lê tiştek bi wan nehat.”
Çeteyê DAIŞ`ê Ehmed Hemû diyar kir ku pişt re bi kesekî din yê bi navê Ebû Ehmed re kar kiriye û wiha dewma kir: “Ebû Ehmed got mayînan biçîne û dema erebeyên leşkerî hatin, dîmenê teqînê bigire û ez jî mayînê biteqînim. Herî dawî dema em li motorsikilêtê siwar bûn û em bi lez çûn, erebeya leşkerî hat û em girtin.”
