Şaredariya Gel ya Kobanê diyar kir ku bûyera şewata dara sersalê bi zanebûn çêbûye û got, emê darê ji nû ve çêkin.
Berî çend rojan li Kobanê cara yekê dara sersalê li qada Şehîd Egîd hat danîn. Nivîsgeha Jinan ya Şaredariya Gel ji bo pêşwazîkirina sala nû projeya darê çêkiribû û gel pir pê kêfxweş bûbû.
Şêniyên Kobanê bertek nîşanî bûyerê dan.
Hevseroka Şaredariya Gel ya Kobanê Rewşen Ebdî ji cihê bûyerê ji gelek dezgehên çapemeniyê re da xuyakirin ku hin dest li pişt vê bûyerê hene û têkildarî bûyerê Hêzên Ewlekariya Hundir dest bi lêpirsînan kirine.
Rewşen Ebdî xemgîniya xwe li ser şewitandina darê diyar kir û da zanîn ku wê şaredarî hewl bide darê ji nû ve çêke.
