Di sêkoşeya Heleb-Hema-Reqayê de di navbera hêzên hikumeta Şamê û çeteyên DAIŞ’ê de şer derket û di encamê de ji leşker û çeteyan 14 kes hatin kuştin.
Di çarçoveya hemleya ku hêzên hikumeta Şamê bi piştgiriya balafirên şer yên Rûsya li dijî çeteyên DAIŞ’ê de dest pê kiriye, hêzên hikumeta Şemê nuqteyên çeteyan yên li sêkoşeya Heleb-Hema-Reqayê topbaran kirin.
Li gorî Navenda Çavdêriya Mafên Mirovan ya Sûriyê (SOHR), hêzên hikumeta Şamê riya Asriya-Tebqa girt, di encamê de di navbera wan û çeteyên DAIŞ’ê de şerekî dijwar derket û li gel wê jî bombebaran çêbû. Di encamê de 5 ji hêzên hikumeta Şamê û 9 jî ji çeteyên DAIŞ’ê hatin kuştin.
Ji 24’ê Adara 2019’an ve, di encama êriş û teqînên çeteyên DAIŞ’ê li herêma Dêrezor, Reqa, Hims û Siwêydayê de, ziyanên canî yên hêzên hikumeta Şamê hezar û 89 kuştî ne, jê 2 rûs in, 145 ji komên alîgirên Îranê ne. Lê jimara kuştiyên çeteyên DAIŞ’ê yên heman demê, 610 e.
Li aliyekî din jî, SOHR’ê belge kiribû ku 4 sşvîlên li zeviyên gazê dixebitin û 11 şivan jî hatine kuştin.
SOHR: Ji hêzên hikumeta Şamê û çeteyên DAIŞ’ê 14 kes hatin kuştin
