Emerîka cezayê li ser rejima Sûriyê zêde dike

Wezareta Xezîneyê ya Emerîka ceza li 18 kes û şirketên girêdayî hikumeta Şamê birî.
Wezareta Xezîneyê ya Emerîka bi daxuyaniyekê ragihand ku li 18 kes û şirketên Sûriyê yên girêdayî hikumeta Şamê ceza biriye.
Wezaretê da xuyakirin ku 7 kes û 9 şirîkên li lîsteya cezayan hatine zêdekirin.
Wezîrê Karê Derve yê Emerîka Mike Pompeo li ser Twitter wiha nivîsiye: “Ji ber ku destekê didin alava şer ya Esed û xebata bidawîkirina şerê li Sûriyê asteng dikin, dewletên Yekbûyî yên Emerîka li 18 kes û şirketên din ceza birî. Em bi gelê Sûriyê re ne û careke din piştgiriya xwe bi riya aştiyê ya li gorî biryara Konseya Ewlekariyê ya bi jimara 2254 diyar dikin.”