Ji fermandarên QSD’ê Ziyad Heleb diyar kir ku êrişên dagîrkeran yên li ser gundewarê Eyn Îsa şkandine û got, “Berxwedanan şervanan bi ruhê serkeftinê dewam dike”.
Artêşa tirkî ya dagîrker û çeteyên wê 18’ê Kanûnê êrişî gundê Cehbel û Mişêrfe yên navçeya Eyn Îsa ya Herêma Firatê kirin. Di heman demê de riya M4 û derdora navenda navçeyê topbaran kirin.
Şervanên QSD’ê nehiştin dagîrker li herêmê pêş bikevin. Di encama şerê derketî de 12 çete hatin kuştin û alaveke wan ya leşkeri hat roxandin.
Derbarê êrişê û berxwedana li hemberî wê de, ji fermandarên Hêzên Sûriya Demokratîk (QSD) Ziyad Heleb ji ANHA axivî.
Ziyad Heleb li ser mijarê wiha axivî: “Artêşa tirkî û çeteyên wê êrişî gundê Cehbet û Mişêrfe kirin û hêzên me bersiva wan dan.”
Girêdayî idîayên çapemeniya girêdayî dewleta tirî ku du gund dagîr kirine, Ziyad Heleb got, ev tev derew in. Ew gund hê jî di binê serweriya me de ne, lê carna şer derdikeve.”
Ziyad Heleb herwiha got, “Şer du rojan dom kir. Li gorî me bi çavan dîtî, 12 çete hatin kuştin û alaveke leşkerî hat roxandin.”
Ziyad Heleb wiha bi dawî kir: “Berxwedana şervanên me bi ruhê serkeftinê dewam dike û nahêlin çete derbasî van gundan bibin.”
