Hediya HISÊN/Ronahî-Amûdê
Ji bo şkandina tecrîda li ser rêber Abullah Ocalan û işkenceya li zindanan, girtiyên ji doza PKK û PAJKê yên li girtîgehên Tirkiyê 27 Mijdarê dest bi pêngava gireva birçîbûnê kirin. Pêngav di roja 27an de didome.
Derbarê mijarê de hevseroka “Edaleta Jinê” ya li navçeya bajarê Amûdê Mira Zoro wiha axivî: “Şoreşa me, şoreşa azadiyê û rizgarkirina Kurdistanê ye. Ji bo ku em azad bijîn divê serokê me jî azad be. Bi dehê salan e çalakiyên greva birçîbûnê hene. Berxwedana li zindanê hevala Sara û Çiyager dest pê kirin û îro havalên me li ser rêça wan didomînin. Bi pêngav û çalakiyên wiha em tecrîda li ser serok dişkînin û bi ser dikevin.”
Mira Zoro axaftina xwe wiha qedand: “Li ber hevalên di zindanê de em bejina xwe ditewînin. Herwiha banga min ji Kurdan tevan re heye ku bi çalakiyên xwe piştgiriya berxwedana li zindanan bikin heta ku em bi ser bikevin.”
