HPG’ê têkildarî nûçeyên li hin saziyên çapemeniyê û hesabên medyaya dîjîtal ku dibêjin li ser riya Sîdeka bombe hatine bicihkirin, daxuyaniyek da û got, “Bila ti kes baweriya xwe bi nûçeyên derew neyne.”
Navenda Ragihandin û Çapemeniyê ya HPG’ê li ser mijarê daxuyaniyek weşand.
Di daxuyaniyê de wiha hat gotin:
“Hin organên çapemeniyê û hesabên medyaya dîjîtal dibêjin PKK’ê bombe li ser riya bingehî ya bajarokê Sîdeka bi cih kirine. Ev nûçeyên hatîn weşandin nûçeyên bi zimanê medyaya şerê taybet hatine amadekirin, nûçeyên şaş û derew in. Dost û dijmin her kes dizane ku hêzên me yên gerîla ti carî nekevin nava hewldaneke bi vî rengî ya li hemberî gelê xwe. Nûçeyên bi vî rengî yên derew yên li dijî tevgera me, xizmetê ji armancên provokatîf re dikin. Divê dev ji hewldanên bi vî rengî bê berdan ku ne li gorî berjewendiyên gelê Kurd in. Bila gelê me û bi taybetî jî xelkê herêmê baweriya xwe bi nûçeyên wiha derew û provokatîf neyne.”
