QSD`ê bi daxuyaniyekê ragihand ku li gundewarê rojhilatê Dêrezorê bi operasyoneke hêzên ewlekariyê 3 çeteyên DAIŞ`ê hatine girtin.
Navenda Ragihandin û Çapemeniyê ya Hêzên Sûriya Demokratîk (QSD) têkildarî mijarê daxuyaniyek da û ev agahî par ve kirin:
“10`ê Kanûnê, hêzên ewlekariyê li bajarokê Teyane û El-Şihêl yên gundewarê rojhilatê Dêrezorê, li dijî şaneyên veşartî yên DAIŞ`ê operasyonek li dar xistin.
Di operasyonê de çeteyên bi navê Ziyad Subhî El-Emîn (Ebû El-Qeqa El-Qureyşî), Mihemed Muhsin El-Sultam (El-Atraş) û Faris Mûsa El-Salbî hatin girtin.”
