Tevgera Ciwanên Şoreşeger û Yekîtiya Jinan ya Ciwanan bi meşeke bimeşele berxwedana çalakkerên greva birçîbûnê silav kirin. Herwiha planên li ser Şingalê şermezar kirin û gotin, “Hêzên dagîrker û xayîn dixwazin li ser Êzîdiyan fermaneke nû pêk bînin. Lê bila bizanin ku eger li ser Şingalê êrişek çêbe wê ciranên Rojava temaşe nekin.”
Tevgera Ciwanên Şoreşger û Yekîtiya Jinan ya Ciwan, bi durişma “Li dijî xiyaneta PDK`ê li ser Şingalê bi yekbûna ciwanan, emê bi ser bikevin”, û ji bo silavkirina berxwedana çalakkerên greva birçîbûnê meşeke bi meşale li bajarê Qamişlo, li dar xistin.
Meş bi tevlîbûna endamên Tevgera Ciwanên Şoreşger û Yektîya Jinên Ciwan ji ber çerxeriya Sonî dest pê kir.
Pişt re li ber çerxeriya Şerq rawestiyan.
Di mitîngê de endama Yekîtiya Jinan ya Ciwan Seyran Sîno daxuyanî xwend. Seyran da zanîn ku ciwanên rojavayê Kurdistanê berxwedana çalakkerên di girtîgehan de ku di gireva birçîbûnê de ne, silav dikin.
Seyran Sîno diyar kir ku PDK`ê û hikumeta Iraqê li ser Şingalê li hev kirinek imze kirine. Lê gel baş dizane ku di 2014`an de PDK`ê, Şingal ji DAIŞ`ê re hişt û reviya.
Seyran Sîno da xuyakirin ku ciwanên Rojavayê Kurdistanê vîna civaka Êzîdî ji xwe re dikin bingeh û hebûna xayînan li Şingalê ti carî qebûl nakin û wiha got: “Ew hêzên dagîrker û xayîn dixwazin li ser Êzîdiyan fermaneke nû pêk bînin. Lê bila bizanin eger li ser Şingalê êrişek bê kirin wê ciwanên Rojava temaşeker nmînin.”
