Çavkaniyan ji Komeleya Nîştimanî ya Sûriyê eşkere kir ku komele ji bo vekirina nivîsgehên xwe li bakur û rojhilatê Sûriyê di çend rojên bê de amadekariyê dike.
Li gorî çavkaniyan, şandeyek Komeleya Niştimanî ya Sûriyê bi serokatiya Mihemed Bermo ji bo lidarxistina rêzecivînan û hevdîtinan bi nûnerên Meclisa Sûriya Demokratîk (MSD) û Rêveberiya Xweser re gihîşt bakur û rojhilatê Sûriyê.
Heman çavkaniyan da zanîn ku armanca hevdîtinan, girtina destûra vekirina nivîsgehên komeleyê li herêmê ye.
Komeleya Niştimanî ya Sûriyê 13`ê Mijdara 2015`an li Vienna hat avakirin. Komele desteyeke niştimanî, siyasî û civakî ye û koma kar ya Qurtuba rêgezên wê yên bingehî danîne.
Komeleyê Gulana derbasbûyî, di civîneke çapemeniyê de li Vienna ragihand ku tevlî MSD`ê bûye.
