Rêveberiya bendava “Tişrîn” ragihand ku di salekî de ev cara duduyan e ku dewleta tirkî asta ava çemê Firatê ku derbasî erdê Sûriyê dibe kêm dike.
Rêveberê bendava “Tişrîn” Mihemed Terboş diyar kir kir ku asta ava çemê Firatê ya ku diherike nava erdê Sûriyê kêm bûye.
Mihemed Terboş diyar kir ku bendavê hewcedarî avê bi rêjeya 300m² di xulekekî de ye da ku tûrbinekê ji bendava Tişrîn yan jî bendava Firatê bixebite û kehrebê bide.
Kêmbûna avê bandora kehrebayê ji bajar û bajarokên herêmên bakur û rojhilatê Sûriyê dike. Herwiha rêveberiya bendavê ji ber girtina avê, hişyarî da.
Li gorî peymana di navbera dewleta tirkî û Sûriyê ya sala 1987`an de, divê rêjeya derbasbûna avê nava erdê Sûriyê 500 m² di xulekekî de be.
Dewleta tirkî 6 bendav li ser çemê Firatê çêkirine, ji wan bendava Ataturk ku ji mezintirîn bendavên li Rojhilata Navî ye.
