Çavkaniyeke ji kantona Girê Spî diyar kir ku çeteyên artêşa tirkî li bajêr û gundewarê bajêr bi ser malan de girtin û 7 kes ravandin.
Li gorî çavkaniyê çeteyên artêşa tirkî ji gundê Qeyseriyê yê gundewarê başûrê Girê Spî 4 kes ravandine. Çavkaniyê da zanîn ku kesên hatîn revandin, ji eşîra El-Hinada ne.
Çavkaniyê herwiha da zanîn ku çeteyên bi navê Cebheta El-Şamiyê ji gundewarê rojhilatê Girê Spî jî 3 kes ravandine û hemû ji eşîra El-Meşhûr in.
28`ê meha derbasbûyî li rojhilatê taxa Girê Spî di navbera eşîra El-Meşhûr û çeteyên Cebhet El-Şamiyê de şer derketibû. Di encamê de ciwanê bi navê Beşar El-Seed ku li dikana telefonan dixebitî hat kuştin. Herwiha li kolanan gule hatin reşandin û du kesên din birîndar bûn.
