Hêzên Meclisa Leşkerî ya Hecînê di operasyoneke lêgerînê ya berfireh de li bajarokê Şefayê 2 serçeteyên DAIŞ`ê yên berpirsên gelek êrişên terorîstî, girtin.
Li gorî agahiyên ji herêmê hatîn bidestxistin, hêzên Meclisa Leşkerî ya Hecînê bi armanca tinekirina şaneyên çeteyên DAIŞ`ê li bajarokê Şefa û gundên girêdayî wê operasyonek kirin.
Hêzên meclisê di operasyonê de 2 serçeteyên DAIŞ`ê girtin. Yek ji wan qaşo mîrê wîlayeta Firatê bi navê B.C.E. ye û ji Hecînê êrişên li dijî Baxozê dimeşandin û gelek êrişên din li dijî herêmê plan kirine.
Çeteyê din jî bi navê S.D. ye û berpirsê bûyerên kuştinê yên ku li herêmên di navbera Hecîn û Baxozê de bûne.
Hêzên meclisê di operasyonê de gelek madeyên teqemeniyê û çekên cuda mîna demance, kalaşnîkof, bombeyên destan û bombeyên din desteser kirin.
Her du serçete li xwe mikur hatin ku gelek bûyerên terorîstî kirine. Weke teqîna li dijî meclisa herêmî ya Şefayê, teqandina erebeyekê li hemberî stasyona sotemeniyê ya Şamê, êrişa li dijî wesaiteke leşkerî û teqandina mala Ebdulselam Xelîf El-Salim û gelek bûyerên terorîstî yên ku li herêmê bûne.
