Dewleta tirkî ya dagîrker û çeteyên wê kehrebeya ji bo xebitandina stasyona Elok qut kirin. Ji ber wê ser du hefteyan re ye stasyon ji xizmetê derketiye.
Çavkaniyên herêmê ragihandin ku dewleta tirkî ya dagîrker di nava mehekê de saetekê tene stasyona Elok xebitandiye û nahêle karker biçin stasyonê.
Çavkaniyan diyar kir ku artêşa tirkî ya dagîrker çeteyên wê yên bi navê “Artêşa Niştimanî ya Sûrî”, kehbreya stasyona Elok dizîne. Ji ber wê ser du hefteyan re ye stasyon bi temamî hatiye rawestandin.
Çavkaniyan da xuyakirin ku ji ber diziyê beşeke mezin ya kehrebeyê, kehrebaya digihîje stasyonê têra xebitandina wê nake. Ji ber wê av nagihîje bajarê Hesekê.
21’ê Adara îsal dewleta tirkî û çeteyên wê karkerên stasyona Elok derxistin û av li ser kantona Hesekê qut kir.
