Navenda Ragihandin û Çapemeniya QSD’ê ragihand ku dewleta tirkî ya dagîrker û çeteyên wê êrişên topbaranê, yên ser xeta Eyn Îsa û gundewarê Girê Spî pirtir kirine. Herwiha da zanîn ku çeteyên dagîrker 2 km. nêzî riya M4 amadekariya êrişê dikin
Navenda Ragihandin û Çapemeniya QSD’ê têkildarî êrişên dewleta tirî ya dagîrker û çeteyên wê yên ser navçeya Eyn Îsayê û derdora wê daxuyaniyeke nivisîkî weşand.
Di daxuyaniyê de ev agahî hatin parvekirin:
“Di demên dawî de dewleta tirkî ya dagîrker û çeteyên wê êrişên topbaranê, li ser xeta Eyn Îsa û gundewarê Girê Spî pirtir kirine. Bi taybetî van rojên dawî navenda bajarê Eyn Îsa û derdora wê bi dijwarî tê bombebarankirin. Di wan bombebaranan de gelê herêmê dibe hedef. Di bombebarana dawiyê de 2 zarok birîndar bûn.
Herwiha li xeta gundê Malikiyê tevger û amadekariya çeteyan pirtir bûye. Çeteyên dagîrker 2 km nêzî riya M4 ya navneteweyî, amadekariya êrişê dikin.”
