Çeteyên girêdayî dewleta tirkî ya dagîrker geleke şêniyên ji gundê Anqelê revandin. Herwiha li gundê Kefersefrê yê Efrîna dagîrkirî dest bi girtina mirovan kirin.
Çavkaniyeke ji navçeya Şiyê diyar kir ku çeteyên bi navê “polîsên sîvîl” yên girêdayî dewleta tirkî ya dagîrker ji gundê Anqelê yê girêdayî Şiyê ya Efrîna dagîrkirî, gundiyê bi Sîvan Ekrem Nebo (41) û Zeîm Mihemed (40) revandin û hê jî çarenûsa wan ne diyar e.
Ji aliyekî din ve jî çeteyên bi navê Semerqend bi hinceta danûstandina bi Rêveberiya Xweser re li gundê Kefersefrê yê girêdayî navçeya Cindirêsê dest bi girtina mirovan kirin. Çavkaniyeke ji gund diyar kir ku kesên hatîn girtin dudu ji wan ev in: Xelîl Henan Xilo û Hisên Silêman Mewas. Çeteyan herwiha ji malbatên girtiyan fîdyeya 800 hezar lîreyên Sûriyê li hemberî berdana wan xwestiye.
