Ji dema imzekirina peymana bi Talîban re Emerîka herî kêm 10 baregehên xwe yên li Efxanistnê girtine. Hemwextî wê berpirsên Efxan û Emerîkî ji xetera wê yekê li ser rewşa ewlehiyê li wê derê hişyarî dan û destnîşan kirin ku çarenûsa hêzên Emerîkayê yên mayî li gel nêzîkbûna dema vekişînê, ne zalel e.
Rojnameya “Washington Post” ya amerîkî diyar kir ku girtina baregehên emerîkî parçeyekî ji vekişîna bi temamî ya hêzên Emerîkayê ji Efxanistanê ye. Berpirsekî efxanî û berpirsekî emerîkî piştrast kirin ku heta niha Washingtonê nêzî 10 baregehên xwe girtine.
Heta niha nayê zanîn ka çiqas baregeh li wir mane, ku gelek baregeh li parêzgehên Efxanistanê yên herî tevlîhev in. Hebûna hêzên Emerîkayê li Efxanistanê roleke sereke di rêgirtina li Tevgera Talîbanê de lîst.
Di hin hevpeyvînan de, gelek bepirsên emerîkî û efxanî yên berê û niha gotin ku hîna plana kêmkirina hejmara hêzên Emerîkayê ji 5 hezarî heta 2 hezar û 500 ya heta 15`ê Çileya bê anku beriya çend rojan ji çûna Trump, ne zelal e.
Berpirsekî din yê emerîkî jî got ku tevî kêmkirina hejmara leşker û pêdiviyên leşkerî jî, lê Emerîka wê hêzekê bihêle ku karibe êrişên asîmanî li dijî Tevgera Talîbanê ji bo paratina hêzên Efxanistanê pêk bîne.
Washingtonê heta niha nêzî 10 baregehên xwe yên li Efxanistanê girtine
