Kurd û Erebên li navçeya Eyn Îsa û gundewarê wê bi xwepêşandaneke girseyî êrişên dawî yên dagîrkeriya tirkî şermezar kirin û bang li civaka navneteweyî kirin ku van kirya ran rawestînin.
Xwepêşandana li hemberî êrişên dawî yên dewleta tirkî ya dagîrker yên ser herêmên ewle, ji Çerxeriya Leşkerî dest pê kir û heta Çerxeriya Şaredariyê ya navenda navçeyê dewam kir.
Xwepêşandêran pankartên “Na ji dagîrkeriya tirkî re, erê ji parastina destkeftiyên şoreşê re, êdî bes e xwînê nerijînin, em dixwazin gel û xaka xwe ji dagîrkeriya tirkî rizgar bikin” vekirin û wêneyên şehîdan û alên QSD`ê rakirin.
Cîgirê hevserokatiya Meclisa Kantona Girê Spî Sebrî Nebû axivî û êrişên dewleta Tirk a dagirker li dijî navçeyê û hedefgirtina sivîlan şermezar kir.
Piştî xwepêşandanê şandeyek ji rûspiyên herêmê ku nûnertiya civaka Eyn Îsa û kantona Girê Spî dikin, berê xwe da baregeha Rûsya da ji wan bixwazin ku sozên xwe yên rawestandina êrişên dagîrkeran pêk bînin.
Hêjayî gotinê ye ku nêzî mehek û nîvê ye navçeya Eyn Îsa bi dijwarî tê topbarankirin.
Ji bo şermezarkirina êrişên dagîrkeran gelê Eyn Îsa daket qadan
