Artêşa tirkî ya dagîrker li Efrînê bi panzêrê pê li zilamekî û hevjîna wî kir. Zilam mir, hevjîna wî jî bi giranî birîndar bû.
Li gorî agahiyên ji çavkaniyên ji hundirê Efrînê hatîn bidestxistin, panzêreke leşkerî ya artêşa tirkî ya dagîrker li ser riya Cindirêsê pê li zilamekî û hevjîna wî kir. Zilamê bi nave Kemal Nebû mir, hevjîna wî jî bi giranî birîndar bû.
Li aliye din çavkaniyan ji navçeya Mabata diyar kir ku çeteyên dewleta tirkî 4 welatiyên ji gundê Badîna yê navçeya Mabata revandin.
Li gorî çavkaniyan, navên kesên hatîn revandin, wiha ne; Henan Şaban, Ehmed Horo, Luqman Mihemed û Mihmed Sîdo û hê jî çarenûsa wan ne diyar e.
Çarenûsa bi sedan şêniyên Efrînê yên revandî ne diyar e û 18`ê Adara 2018`an ve artêşa tirkî ya dagîrker sûcên revandinê didomîne.
