Çavkaniyekê ji bajarê Efrînê diyar kir ku çeteyên bi navê “polîsên leşkerî ” tevî koma çete ya bi navê “El-Nixbê” ya girêdayî dewleta tirkî ji gundê Emara yê girêdayî navçeya Mabata 4 sîvîlên Kurd revandin.
Çavkaniyê diyar kir ku navê welatiyên hatîn revandin ev in: Elî Elî Mistefa (30 salî), Henan Elî Mistefa (32 salî), Mistefa Henîf Roto (29 Salî) û Henîf Îbrahîm Roto (57 salî ye û bavê Mistefa Roto ye).
Li gorî şahidan, çeteyên bi navê “polîsên leşkerî ” welatiyên revandîn birine navenda çeteyan yên bi navê polîsên leşkerî yên li bajarê Efrînê ku berê dibistana beşê bazirganiyê bû.
Çeteyên bi navê El-Nixbê ya girêdayî dewleta tirkî li gundê Emara ye û li dijî sîvîlên gund sûcên şer dike.