Hêzên Ewlekariya Hundir ya Dêrezorê ragihand ku roja Şemiyê li bajarokê Cezrat bazirganên madeyên hişbirê girtine. Piştî bidawîkirina lêpirsînê, şandine dadgehê.
Nivîsgeha Têkoşîna li dijî Sûcên Birêxistinkirî ya girêdayî Hêzên Ewlekariya Hundir ya Dêrezorê, piştî lêgerîn û şopandina hin bazirganan li gorî agahiyên ku hatine ber destê wê, bi ser malên wan de girtine û zêdetirî 220 tabletên hebên madeyên hişbir yên cureyên cuda û gelek dermanên hişbir ku hin ji wan demborî ne, desteser kirine.
Li gorî Nivîsgeha Ragihandinê ya Hêzên Ewlekariya Hundir ya Dêrezorê, kesên ku hatine girtin, ji bo darizandinê şandine dadgehê.
