Daîreya Têkiliyên Derve ya Rêveberiya Xweser di hevdîtina li gel endama Parlamentoya Ewropayê (PE) bal kişand ser bandora êrişên dewleta tirkî ya dagîrker yên ser herêmên bakur û rojhilatê Sûriyê û rewşa kampên li herêmên Rêveberiya Xweser.
Pêncşema borî endama Parlamentoya Ewropa û seroka şandeya têkiliyên bi Nîvgirava Erebî re û cîgira serokê Komîteya Mafên Mirovan Hannah Newman, di deriyê Sêmalka re gihîştin herêmên bakur û rojhilatê Sûriyê.
Hannah Newman di destpêka serdana xwe de, bi berpirsên Daîreya Têkiliyên Derve ya Rêveberiya Xweser a bakur û rojhilatê Sûriyê re li navneda Rêveberiya Xweser ya li bajarê Qamişlo hevdîtinek pêk anî.
Hevserokê Daîreya Têkiliyên Derve Ebudlkerîm Omer, cîrigên wî Ebîr Êliya û Fener El-Kiêt û berdevkê fermî yê daîreyê Kemal Akif, Hannah pêşwazî kir.
Hannah da zanîn ku di hevdîtina bi berpirsên Daîreya Têkiliyên Derve re, êrişên dewleta Tirk ên li dijî herêmên Bakur û Rojhiatê Sûriyê, rewşa kampên li herêmên Rêveberiya Xweser û dorpêça li ser herêmê û di nav de girtina dergeha Til Koçer, nîqaş kirine.
