Desteya Tenduristiyê ya Rêveberiya Xweser ya bakur û rojhilatê Sûriyê, ragihand ku 2 nexweşên din yên korona mirine û 269 kesên din pê ketine.
Hevserokê Desteya Tenduristiyê ya Rêveberiya Xweser ya bakur û rojhilatê Sûriyê Dr. Ciwan Mistefa da zanîn ku her du kesên mirîn mêrek ji Qamişlo, jinek ji Hesekê ye.
Mistefa diyar kir ku li bakur û rojhilatê Sûriyê 269 kesên din bi koronayê ketine. Ji wan 149 mêr, 120 jin in û li van herêman in: 59 Dêrik, 47 Hesekê, 37 Qamişlo, 7 Amûdê, 14 Girkê Legê, 12 Dirbêsiyê, 1 li Rimêlan, 1 Çilaxa, 1 Tirbespiyê, 1 Til Temir, 24 Tebqa, 22 Minbic, 36 Reqa.
Dr. Ciwan Mistefa got, 15 nexweş baş bûne.
Li gorî daneyên dawî, jimara nexweşên vîrûsa korona gihîştiye 5 hezar û 247’an, jimara miriyan 135 û jimara kesên baş bûyîn bûye 771.
Desteya Tenduristiyê: 269 kesên din bi korona ketin, 2 mirin
