Rêxistina Mafên Mirovan ya Efrîn-Sûriyê eşkere kir ku çeteyên dewleta tirkî dest danîne ser zeviyên zeytûnan yên gelek gund û navçeyên kantona Efrîna dagîrkirî.
Rêxistinê bi daxuyaniyekê ku li ser hesabê xwe yê fermî yê Facebookê weşand, diyar kir ku çeteyên El-Şerqiye yên girêdayî dewleta tirkî dest danîne ser 17 hezar darên zeytûnan yên li gundê Qîlê, Bircikê, Çeqelê Cûmê, Miskê, Sindiyankê û Xaltan ên girêdayî navçeya Cindirêsê.
Li navçeyên Mabeta û Raco çeteyên Sultan Mihemed El-Fetih ji sedî 50 berhemên zeytûnan ên şêniyên gundê Maimila, Korkan a jorîn û a jêrîn, Ereb Oşaxî û Dimilya standine.
Herwiha li gundê Aşkan çeteyên Lîwa El-Weqas bang li şêniyên gund kiriye ku kom bibin da ku amadekariya desteserkirina bermehên zeytûnan yên koçberên Efrînê bikin.
