Çete û istixbarata dewleta tirkî ya dagîrker li navçeya Cindirêsê ya Efrînê 18 sîvîlên din revandin.
Li gorî agahiyên ji çavkaniyan hatîn girtin, istixbarata dewleta tirkî û çeteyên wê yên bi navê “Semerqend û “Ceyş El-Şerqiya” li gundên navçeya Cindirêsê bi ser malan de girtine. Çavknaniyan diyar kir ku ji gundê Kefersefrayê 11 kes û ji gundê Goranê 7 kes revandine.
Welatiyên ji gundê Kefersefrayê yên hatîn revandin ev in: Mistefa Mihemed Xelo (50), Egid Mistefa Xelo (21), Şiyar Ebdulrehman Xelo, Ebdo Bedrî Kemal Exres (20), Murad Seydo Xelo, Hesen Eyûb Ebdo (astendar 50), Emîna Hesen Eyûb, Fatima hevjîna Mihemed Ebdurehman Derwîş ji Ezazê ye, Almaz Xelîl Hac Ebdo, Selah Reşîd Mehmûd, Mistefa Cafer.
Yên ji gundê Goran hatin revandin jî ev in: Ehmed Hiêsn Mihemed Deko, Mehmûd Ehmed Hec Birîm, Mihemed Nebî Henan, Cîhad Şikirî, Riyad Murad Kedro, Rêzan Hisên Yûsif, Silêman Hikumet Henan.
Çavkaniyan da zanîn ku çarenûsa kesên hatîn revandin ne diyar e.
Li aliye din çeteyên dewleta tirkî ya dagîrker êrişî gundê Îska yê Cindirêsê kirin û 13 sîvîl birîndar kirin.
Li gorî agahiyên çavkaniyan dayîn ANHA, çeteyên dewleta tirkî ya dagîrker li gundê Îska yê navçeya Cindirêsê bi ser malan de girtin û dest bi talankirina malê gundiyan kirin.
Çavkaniyan diyar kir ku dema gundiyan xwest malê xwe biparêzin, çeteyan gule li wan reşandin û 13 sîvîl birîndar kirin. Ji wan Elî Cemo û Mihemed Osman hatin naskirin.
