Meclisa Rêveber ya Rêveberiya Xweser ya bakur û rojhilatê Sûriyê ji ber belavbûna Covid-19 qedexeya derketina derve ya qismî ragihand.
Meclisa Rêveber ya Rêveberiya Xweser ji ber belavbûna vîrûsa korona bi biryara bi jimara (173), qedexeya derketina derve ya qismî li herêmê (Covid-19) ragihand. Qedexe roja Înê destp pê kir û wê 8’ê Mijdarê bi dawî bibe.
Biryar wiha ye:
“- Li seranserê herêmên Rêveberiya Xweser ya bakur û rojhilatê Sûriyê biryara qedexeya derketina derve ya qismî ji bo 10 rojan hatiye dayîn. Qedexeya derketina derve jroja Înê
dest pê dike û 8-11-2020’an bi dawî dibe.
-Di dema qedexeya derketinê de, tevayiya sûkên mezin û deverên giştî tên girtin. Lê dikanên bazirganî, xwerek û zebzeyan heta saet 15:00’an vekirî dimînin, karê xwaringehan ji bo pêkanîna daxwaziyên derve tenê ye.
-Ji bilî nimêja Înê li gel pêkanîna tedbîrên tenduristiyê yên xweparastinê, cihên îbadet tev tên girtin.
-Hemû cûre kombûn (Şahî, konê taziye, civîn û kongrê) qedexe ne.
-Hemû welatî divê li cihên giştî, sûk û navnedên fermî li gorî biryara (93) ya 16-08-2020’an maskan li xwe bikin.
-Tevahî dibistan, zanîngeh, peymangeh û baxçeyên zarokan dê dewam bikin bi şertê ku hemû tedbîrên xweparastinê yên ku Desteya Tenduristiyê û Desteya perwerde û Fêrkirinê ya Bakur û Rojhilatê Sûriyê destnîşan kirine werin pêkanîn.
-Li hemû saziyên Rêveberiya Xweser a Bakur û Rojhilatê Sûriyê rêzgeha parastin, jihevdûrketin, paqijiya kesayetî werin pêkanîn û li gorî pêwîstiyan hejmara endaman di saziyan de were kêmkirin.
-Tevahî nexweşxane, navendên tenduristiyê yên giştî û yên taybet, rêxistinên navneteweyî, Xaça Sor, Heyva Sor, dermanxane û firne ne di nava qedexeyê de ne.
-Li gorî biryara bi hejmara (149) ya di dîroka 10-10-2020’an de ji aliyê Hevserokatiya Meclisa Rêveber a Rêveberiya Xweser ve hatiye derxistin tevhî deriyên sînor wê vekirî bimînin.”
