Li gundewarê Dêrezorê goreke komî ya goriyên komkujiya li dijî eşîra Şiêtat ya çeteyên DAIŞ’ê sala 2014’an kirî, hat dîtin.
Li Badiya Cemê ya ser Dêrezorê goreke komî ya goriyên komkujiya li dijî eşîra Şiêtat ya çeteyên DAIŞ’ê sala 2014’an kirî, hate dîtin. Di gorê de bi dehan hestiyên mirovan hatin dîtin, ji wan 26 hatin derxistin û nasnameyên 25’an hatin naskirin.
Kesek nasnameya wî nehat naskirin, lê tê texmînkirin ku ji bajarokê Zebarî yê Dêrezorê be.
Hestî li gorî ûrf û adetan ji aliyê malbatên wan ve li goristana Şehîdan a bajarokê Ebû Hemam hatin veşartin.
Çeteyên DAIŞ’ê meha Tîrmeh û Tebaxa 2014’an komkujiyek ku 3 hefteyan dewam kir li dijî eşîra Şiêtat kirin. Di encamê de zêdeyî hezar û 200 sivîlî hatin kuştin, zêdeyî hezar kesî jî hatin revandin ku çarenûsa wan hê ne diyar e.
