Dilîn EHMED/Ronahî-Qamişlo
Ciwanên Partiya Sûriya Paşrojê, bi durişma “Ji Bo Sûriyeke Azad, Bi Têkoşîna Yekbûyî Ya Gelan Emê Teqez Bi Ser Bikevin” konferansa xwe ya yekê li dar xistin.
Konferansê bi rêzgirtina ji bo şehîda dest pê kir. Pişt re nûnerên Partiya Sûriya Paşrojê, Saziya Malbatên Şehîdan, Rêveberiya Xweser, Meclisa Ciwanên demokrat û Ciwanên Şoreşger axaftin kirin. Herwiha peyamên sazî û partiyên di konferansê de amade nebûyîn hatin xwendin.
Xalên di konferansê de hatîn nîqaşkirin wiha bûn. Avakirina du meclisên ciwanan, hilbijartina rêveberiyeke nû, çalakiyên ciwanan yên du salên borî, pêşniyar û perspektîfên ji bo Partiya Sûriya Paşerojê.
Rêvebera Ofîsa Ciwanên Partiya Sûriya Paşrojê ya herêma Cizîrê Darîn Beşar, li ser armanca konferansê ji rojnameya me re wiha axivî: “Ev konfransa yekê ya herêma Cizîrê ye. Me konferansên xwe yên bi vî rengî li bajarê Reqa, Tebqa, Minbic, Heleb û herêma Şehba li dar xistin. 27ê Adara 2018an ji bo ciwanan di partiyê de ofîsek hat vekirin. Lê ji ber pirbûna tevlîbûna ciwanan, ji bo berfirehkirina karê wan, emê du meclisan ava bikin. Yek ji bo herêma Cizîrê li Qamilo, ya din li bajarê Hesekê. Me bi vê armancê konferans li dar xist.”
Darîn Beşar di dawiyê de serkeftin ji kar û xebata ciwanan re xwest û hêvî kir ku têkoşîna xwe pêştir bixin.
