Gerîlayên HPG/YJA Starê li Colemêrgê xwe berdan nava artêşa tirkî. Di daxuyaniya HPG’ê de hat gotin “3 leşkerên dijmin yên dagîrker hatin cezakirin, 2 konteynir, kamelya, 2 kamerayên mobese û 2 projektor hatin tinekirin.
Navenda Ragihandin û Çapemeniyê ya HPG’ê li ser çalakiyên gerîla û êrişên dagîrkeriyê daxuyaniyek da.
Daxuyanî wiha ye:
“Hêzên me di çarçoveya pêngava ‘Dem dema azadiyê ye’ de 13’ê Cotmehê li qada Rûbarok ya Colemêrgê ji du baskan ve xwe berdan nava dagîrkerên li ser Girê Helîkopter.
Baskê destpêkê li 2 konteynir û kamelyayeke dagîrkeran xist û îmha kir. Li vir 3 leşkerên Tirk ên dagirker hatin cezakirin. Baskê duyemîn jî li kulûbe û kozikan xist û îmha kir. Hejmara dijminê ku li vir hatin cezakirin nehate tespîtkirin. Di vê çalakiyê de bi giştî 3 leşkerên dijmin ên dagirker hatin cezakirin, 2 konteynir, kamelyayek, 2 kamerayên mobese û 2 projektor hatin îmhakirin, derb li gelek çeperan hate xistin.”
HPG: 3 dagîrker hatin cezakirin
