Rêveberiya Xweser ya bakur û rojhilatê Sûriyê 10`ê vê mehê efûyek derxist. Li ser vê biryarê Meclisa Edaleta Civakî ya Minbicê heta niha 100 girtiyên ketîn ber efûyê, berdane.
Rêveberiya Xweser ya bakur û rojhilatê Sûriyê berî çend rojan têkildarî sûcên berî 10`ê vê mehê hatîn kirin, efûyek derxist û di heman demê de biryarê hin sûc nexistin ber efûyê.
Li bajarê Minbicê komîteyek ji 7 kesan hate avakirin û erka wan ew e ku navên kesên ketine ber efûyê, diyar bikin.
Meclisa Edaleta Civakî ya Minbicê heta niha 100 kesên ketine ber efûyê, serbest berdan.
Hevserokê Meclisa Edaleta Civakî ya Minbicê Ehmed El-Hesen da zanîn ku kesên xiyanet, ajanî, revandin, bazirganiya madeyên hişbirê dikin, rêveber û kesên di nava rêxistinên terorîst de perwerde bûne, endamên rêxistinên terorîst ên beşdarî operasyonan bûne û sûcên bi îdiayên parastina namûsê, nakevin ber efûyê.
Kar û xebata komîteyê wê heta bidawîkirina berdana girtiyan dewam bike.
